Friday, December 27, 2013

Seiko 5646 7040 (http://www.discuss.com.hk/viewthread.php?tid=22248521)

跟據森年樹的"國產之時計  Seiko自動卷 增補版"所述 , 1970年開始生產的56系Grand Seiko是舊世代GS的最後一個機芯系列. 與較前期的61系相比, 56系機芯雖然也名為Hi Beat機芯, 但每秒則只有8次震動 (即每小時28800次),  比61系的每秒10次震動為少. 據說較低震頻較適合自動化生產, 所以56系GS的產量在70至73年的生產期間比此前其他系列的GS手錶為多, 現時在二手時場也較易找到.

56GS下有 5641A, 5645A (有日期顯示)和 5646A (有日期和星期顯示), 款式方面相當多, 但據網上資料, 各款產量並不平均; 當中最常見的是7010, 而這post的主角 7040 則甚為罕見.  據森氏所言, 5646 7040 是眾多舊世代GS錶款中唯一一款錶盤刻度全以阿拉伯數字表示, 故雖然56GS機芯不屬頂級 (以複雜程度以言), 但7040的錶款郤一向是收藏家的目標. (新世代的GS以阿拉伯數字入盤的款式則不下一款, 小弟現時最想購入的是 SBGW003). 
背景資料帶過, 主角要出場了.  話說呢隻 7040 長期係我的 wish list 上, 但自知要搵佢同中六合彩一樣, 要靠運氣, 所以一直都只係等; browse yahoo auction jp 以及各大日本中古錶站.  直至早兩星期, 居然畀我見到佢 (仲要係可以先睇實貨), 價錢雖不算可人, 但至少唔係罕物的天價, 而且狀態良好, 所以我二話不說, 還左一口價就帶佢返屋企了. 

1. 


此錶錶面造成像未打磨/粗磨砂的白銀一樣, 所以正面影出黎好易令人誤會係"甩青", 但其實只係設計效果.  除3字外, 1至12點均以富藝術感的阿拉伯數字表示. 而3點位置則有日期和星期顯示(星期可以kanji或英語顯示)

錶底是舊世代GS後期的 "GS"底 (如果是獅子底就好了); 上面刻有 5646 7040的字樣:


錶的當然也是常見的款式



一個細節令我買的時侯有幾分猶豫, 就是面盤底下的數字.  從下圖可見, 六點位置底下所刻的數字是 "5646 -7050T".  點解錶款係 7040, 但面盤所寫既係7050T呢?  返到屋企之後, 我睇返森氏本書, 見佢張相(雖然圖太細, 上面D字唔係好清楚, 但4同5都叫做分得到)都係寫住 7050T, 咁應該可以放心啦.  但為满足求知欲, 都係繼續google左一陣, 結果係一個日本錶網上見到一個trading post, 有個日本人出一隻5646 7030 (又係極少見), 佢係錶既介紹上亦有提到佢隻錶錶底係寫5646 7030, 但錶面係 5646 7040T, 佢仲特登為此去搵過中古店老闆問過, 得到既回覆係 5645 / 5646 既幾個款都係咁 (底同面既數字唔一樣), 但出廠就係咁, 唔使擔心咁話.   佢咁講, 我就咁信啦. 



介紹係咁多, 我本來諗住買返黎都係要攞去OH先, 但一週以來, 發現隻錶不論平放定戴半日(10個鐘左右係office),都係每日慢兩秒左右, 堅過石堅. 
唯一美中不足, 就係我覺得佢D數字唔夠 lord marvel 個D靚 / 咁明顯囉 (不過呢隻個錶款擺明係要黎做bling bling 飾物, 無計)



No comments: